[美食攻略]
最近有咁多假期，一班朋友又有好多籍口出黎聚下！食完飯食甜品是常識吧！之前都有介紹過個分子雪糕，但其實餐廳仲有另一款甜品仲有趣！
之前介紹過分子石板街，有人話只係唔同形狀既雪糕，唔夠特別喎！咁呢個會唔會特別啲呢？呢個玻璃花瓣玫瑰慕絲聽個名就好勁，個所謂既玻璃花瓣係用-197度既液化氮處理過，令口感好似玻璃咁脆！不過老老實實，味道真係麻麻，好大陣草青味！至於個泡泡，係由焦糖燉蛋做成，最特別係一食落口，就會化成一啖空氣，得個味道，完全係無水份留係口！好得意呀！
至於base個mousse, 分左做三層，有啫哩，mousse同奶凍，玫瑰味其實好重。喺香港，不過如果你唔受到玫瑰味，呢個可能真係唔岩你喇！一份為HKD$68，唔算係好抵，不過當買個經歷都唔錯既！
Sense Dessert Cafe
佐敦廟街286-294號華至大廈地下6-8號舖
Search